ഘടികാരത്തിലെ കിളികള്
നിലാവ് മയങ്ങുന്ന
രാത്രിയുടെ ഏതോ നിമിഷത്തിലാകണം
ഇന്നലെയ്ക്കു ചിറകുകള്
മുളച്ച് ഇന്നായ് മാറുന്നത്...!
ആ നിമിഷത്തിലെങ്ങോ പറന്നുയരുന്ന
ഓര്മ്മകളുടെ
ചിറകില്നിന്നാകണം ഒരു
തൂവല് പോലെ
സ്വപ്നങ്ങള് എന്റെ നിദ്രയിലേക്ക് പൊഴിയുന്നതും.
ആ സ്വപ്നഭൂമികയിലായിരിക്കണം
ഞാന്
പേരില്ലാരാജ്യത്തെ സുല്ത്താനും
നീ റാണിയുമാകുന്നത്..!
ആ രാജ്യം തകര്ത്തുകൊണ്ടാണ്
എന്നും-ഘടികാരത്തിലെ
കിളികള് എന്നെ
മരുഭൂമിയുടെ ചൂടിലേക്ക് സ്വാഗതം ചെയുന്നത്
No comments:
Post a Comment